再享89折，單本省下19元
商品簡介
這 ( tse ) 是臺灣文學史上第一本由政府機關出版的臺語文學雜誌。
本雜誌臺語文學的文字書寫，有漢字、漢羅。編輯者攏是對臺語 ( 文學 ) 有相當研究，教學、寫作有深入的經驗，對來稿做適當的漢字修正，向望欲共臺語書寫引 tshuā 到標準化，予臺語文容易閱讀、學習、寫作，達到通行化、普遍化的地步。
本集的專題是「油桐花若開 - 自然書寫」。過去咱臺語詩人運用臺灣特有動植物的意象寫詩，像林宗源的 < 人講你是一條蕃薯 >、李勤岸的 < 海翁宣言 >、莊柏林的 < 苦棟若開花 >。臺語文社群、詩刊雜誌有用「茄苳」、「菅芒花」、「臺灣百合」等來號名的，tī 自然取材的「自然書寫」mā 是臺語文學作品的大宗之一。
若講臺灣這粒太平洋上界媠的島嶼是咱的生活舞臺，風情萬千的景致、五彩十色的花草樹木 kap 鳥獸蟲魚，就是聲色俱全的舞臺設計。臺灣的自然風光 kā 咱的生活空間裝飾 kah 多彩多姿，提供作家豐富的書寫題材，完成濟濟「自然書寫」的作品。
編輯部幾句話 自然是土地的舞臺設計
Tuè 頂一期「土地書寫」專題了後，紲--落 tī 這期推出「自然書寫」專題，khah 敏感的文友無定已經 leh ioh 阮編輯部的意向邏輯。無錯，頂期阮希望收著 kap 土地題材有相關、有牽連的作品，啊這期想講， beh 來收集咱逐家對土地上自然萬物眾生相有啥物款的書寫。
葉石濤先生講 -- 過：「無土地 beh哪有文學？」所以咱 ui 「土地書寫」開始，用臺語寫出對土地的愛、對故鄉的思念以及土地 hōo 咱的啟示。這回咱繼續 beh 來感受、觀察土地上的自然萬物。
臺灣這粒太平洋頂面上蓋媠的島嶼若是咱臺灣人自由生活的活動舞臺，四季如春的風光景色、五彩十色的花草樹木 kap 物種豐富的鳥獸蟲魚，就是一臺聲色俱全的舞臺設計，kā 臺灣人的生活空間裝飾 kah 多彩多姿，提供文學作家豐富的書寫題材，提來幻化做各種藝術意象，甚至家國想像，文學類型號做「自然書寫」。
過去咱臺語詩人運用臺灣特有動植物的意象寫詩，像林宗源的 < 人講你是一條蕃薯 >、李勤岸的 < 海翁宣言 >、莊柏林的 < 苦棟若開花 >。臺語文社群、詩刊雜誌有用「茄苳」、「菅芒花」、「臺灣百合」等來號名的，tī 自然取材的「自然書寫」mā 是臺語文學作品的大宗之一。這期刊出的作品中，像 < 人鳥之間 >，咱看著毋但是做個別動植物的書寫 nā-tiānn，koh 有進一步書寫人 kap 自然的互動事實，tī 文學書寫中看著臺灣的特殊情感，這 mā 是咱臺語文學的特色之一。
咱《臺江》是一份開份型的文學刊物，毋是同仁刊物，所以編輯部自開始就希望採取一種開放的編輯態度，設定專題的用意，是 beh 開發、引 tshuā 文學創作的可能性，毋是制訂標準來做主題文學選集，mā 毋是像學術刊物設定專題是方便做論述的界定。阮是認真 leh 體會臺語文學的本質是啥物？有啥物是 kap 華語文學無仝的所在？啊伊文學書寫的範圍到底會當闊到啥物程度？
您曾經瀏覽過的商品
購物須知
為了保護您的權益，「三民網路書店」提供會員七日商品鑑賞期(收到商品為起始日)。
若要辦理退貨，請在商品鑑賞期內寄回，且商品必須是全新狀態與完整包裝(商品、附件、發票、隨貨贈品等)否則恕不接受退貨。