拉封丹寓言集（1）：蟬á kah狗蟻（台法雙語）(電子書)

世界三大寓言詩之一 法國詩人拉封丹充滿智慧哲學ê歷史古 用趣味詼諧ê大自然比喻，思考人性kap世事ê道理 台灣話親切轉寫，好聽趣味koh有創意 「世界文學台讀少年雙語系列」以建立青少年對在地主體ê認同以及hùn闊ê世界觀為目標，按算thai選各國世界名著，以台文進行忠於原典ê翻譯轉寫，收錄原文雙語出版。透過台灣話閱讀經典文學ê真髓，引 tshuā讀者認bat各國無仝時間、空間ê真實面腔kap文化內涵。 《拉封丹寓言集》是歷史上三大寓言詩之一。作者拉封丹機巧運用咱人對動物ê主觀印象，表面輕描淡寫動物kah自然界ê日常世事，比論無仝社會階層ê人in自大自私、痟貪、盲目、固執等人性。詩歌筆花講數百年ê歷史古，有〈蟬á kah狗蟻〉、〈狐狸kah鶴〉等22篇動物故事，飽滇ê創意kap趣味ê思考，大人囡仔會有多樣ê領會。 【本冊特色】 1. 世界文學經典「拉封丹寓言集」首度台法直譯，世界歷史三大寓言詩之一，透過台語表現拉封丹講古ê氣口kap智慧。 2. 附台語有聲朗讀QRcode，配合故事情境ê精彩配樂，閱讀對照無負擔，台法學習真利便。 3. 精彩插圖表現22篇經典寓言故事情節、硬精裝典藏。 【名家推薦】 楊婉儀　國立中山大學哲學研究所教授兼所長 潘怡帆　東海大學哲學系副教授 魏聰洲　法國社會科學高等學院歷史與文明博士 鵜戸聡　明治大学国際日本学部副教授 關首奇　法國里昂第三大學中國文學語言學系副教授兼主任 林豪森用khue-hâi、心適ê字目hō tsit本十七世紀ê法國文學經典新ê性命，mā呈現台語ê新創，是正扮koh跨時代 ê文學語言。祝福tsit本冊！──關首奇（法國里昂第三大學中國文學語言學系副教授兼主任） Chit pún gū-giân chi̍p ē thang oân-sêng Tâi-gí hoan-e̍k kap chhut-pán, lán ū-iáⁿ chin hoaⁿ-hí. Goân-bûn sī siá chòe si-kù ê hêng-sek, che hō͘ lán leh hoan-e̍k ê sî ke-thiⁿ bōe-chió khùn-lân. Ka-chài, iā chèng-lâng ê kian-sim kap hù-chhut chit ê sū-kang ē-tàng kòe-pe̍h. Chit khoán gū-giân kó͘, tha̍k tio̍h m̄-nā hō͘ lán exotic ê sim-sek khùi, koh hō͘ lán àn chiah-ê kò͘-sū nih thang ke-kiám lí-kái, thé-hōe in se-hng lâng khòaⁿ-thāi jîn-chêng sè-sū ê chi̍t kóa thài-tō͘ kap chhú-lí ê lí-lō͘, iā tio̍h sī tui-kiû bīn-tùi jîn-seng ê lí-sèng kap tì-hūi. Chit tiám ke̍k ū kè-ta̍t. ──林裕凱（真理大學台灣文學系助理教授、台語詩人、歌仔冊作家、本冊潤稿者） 【出版贊助】 天母扶輪社、北區扶輪社、明德扶輪社 至善扶輪社、天和扶輪社、天欣扶輪社