Umthapho Wembongi - Umjuluko Ojulileyo

Translated from ChiShona to IsiNdebele by Loveson Gopo

Ukubala lezinkondlo kufana lokufa uvuke. Ufe njalo uphinde uvuke njalonje. Uzwa sengathi ulalele ilizwi lomngane wakho wendulo owawusazana laye kudaladala amatshe esancwebeka, kodwa osephenduke lamuhla esengukhokho kakhokho kakhokhho wakho ngokujula. Ngitsho nje ngoba ku-Uluju Lwenkondlo silaywa ngaphandle kwembadalo yesikolo leyebhodingi leyokwakha. Lapha akekho okubamba ngamandla ukuthi ugijime loba uhlale phansi; ngitsho ukugada isihlahla. Kodwa ungavele uqalise ukufunda okulapha, uyaqala ukuboniswa ukuthi, "ufuna ulutho, gola ngemfanelo". Kwesinye isikhathi uzibonele lawe ukuthi, "ezinye izinto phong'kuthi lawe lungu lungu, ukulunguza," ukuze kuhambe. Isikhathi singakhona phela "ukuphela uqeda isikhathi!" izinkondlo lezi zingijabulisile mpela ngoba ziyazi ukuthi ngingumuntu okhulileyo ongathandi ukutshelwa into yokwenza. Ngimane ngikhunjuzwe nje into yokwenza. Ngitshengiswa izinhloso ekade ngilazo ukuze ngihlale ngiqondane lazo. Ulimi olulapha luthambe njengenyama yethokazi okudinga ukuthi wena uzibuyele lomlilo letswayi nje kuphela. Njengoba-ke lapha sekuloluju kungela nyosi, pho uzakuthi kuyini okukwalise ukunambitha njengosapho lwabanye? Imbongi yethu, u-Ushehwedu Kufakurinani, akasimuntu wokudlala ngaye!

Memory Chirere, University of Zimbabwe