Lig van die Vuurvliegies

Ferdi Roux is 'n stil man wat in die verlede vasgehaak het en herinneringe met hom saam dra. Ou liefdes het littekens gelaat. So ook moeilike keuses wat jong mans tydens Suid-Afrika se Apartheid-era moes maak. Hy leef in 'n w瘲eld van motorfietse en punkmusiek, eggo's van sy jeug.

Alles verander die aand toe hy 'n jong vrou op die dansvloer ontmoet. Die vonk tussen hulle is onmiddellik en elektries. Ferdi word ingetrek in 'n w瘲eld waarvan hy nog nooit bewus was nie - 'n w瘲eld van dwelms, verslawing, en die harde werklikhede wat mense dryf om verwoestende besluite te neem. Sy engel verlos hom van die bande van die samelewing wat hom wurg, maar haar vlerk is gebreek en sy is self vasgevang en weerloos teen die aanslae van die w瘲eld.

Terwyl hy veg om die vrou wat hy liefhet van haar afhanklikheid te bevry, verdiep die band wat hulle bind. Hulle trek Kaap toe om saam 'n nuwe lewe te begin en behandeling te ontvang. Die nagklublewe is hul toevlug wanneer haar behandeling ander struikelblokke oor hulle pad plaas. Die greep van verslawing weier egter om te verslap, die wiel draai, sy geliefde se swakheid word uitgebuit deur di?wat behoort te help en geskiedenis herhaal.

Die tragedie wat ontvou verander Ferdi se lewe ingrypend en onherroeplik op maniere wat hy nooit kon voorsien nie. Hy bevind homself op 'n pad wat in sy geliefde se voetspore volg en die wanhoop van iemand wat niks oor het om te verloor nie. Stelselmatig word hy 'n weergawe van die lewensmaat vir wie hy onvoorwaardelik lief is en ervaar hy waarom ontsnapping soms die enigste keuse is, maak nie saak waarheen nie.

Teen die agtergrond van genadelose uitbuiting, die soeke na aanvaarding, en die helende krag van kuns en musiek, ontvou 'n verhaal van wedersydse liefde tussen sielsgenote. Vir di?wat verstaan dat lewenskeuses binne 'n konteks gemaak word - en dat ware geluk vir elkeen iets anders kan beteken - hierdie boek is vir jou.