台語傳播公司

（台文）繪本起頭，作者描寫台灣人對中華民國ê期待kap失望，話頭一下換，講著台北發生查私薰ê意外，台灣人對政府粒積ê不滿隨就piak--出-來，衝突liam-mi湠到規台灣。高雄因為有駐軍，真緊就有武裝鎮壓。高雄有名有力ê人成立委員會希望kap軍方和平來解決，無疑軍方無愛參詳，顛倒派兵仔分做三路kâng鎮壓koh-khah忝，致使高雄市民死傷嚴重，愛河kap西子灣海口hia，hōo血染做一phià

囡仔kap in爸爸去菜市仔買卵，無細膩跋一下，十粒卵lóng飛--出-去--ah。緊kā接--起-來！Ua̋，bē赴--ah。Phia̍k！Kha̍k！Kho̍k！Po̍k！Tsia-ê卵suah變做菜脯卵、蔥頭炒卵、三色卵、滷卵……。Koh有啥mih卵ê料理--leh？In beh按怎tsiah好？做伙來讀tsit个心適ê故事，認bat生活中ê台文！小孩和爸爸去菜市場買蛋，不小心跌倒了，十顆蛋都飛出去了。快抓住它啊！哇，來不及了。Phia̍k！Kha̍k！Kho̍k！Po̍k！這些蛋竟變成了菜脯蛋、蔥頭炒蛋、三色蛋、滷蛋……。還有什麼蛋料理呢？他們該怎麼辦？一起來讀這個有趣的故事，認識生活中的台文！【台語人來贊聲】Tsit本繪本《十粒卵》m̄-nā畫kah真suí，內容koh真用心，hōo囡仔ē-tàng透過無仝ê卵來學習動物、菜蔬、色水、文化節慶等等ê台語名詞，實在是「大碗koh滿墘」。——邵大倫（廣播金鐘獎最佳流行音樂節目主持人）《十粒卵》畫本內底，十粒飛--出-去ê卵隨變做十出芳kòng-kòng ê料理，hōo人一下看--著，喙瀾kiōng-beh津--落-來。——林杏佳（台大雲林分院小兒科醫師）

古早古早，台灣一个所在叫做「笨港」，tiānn-tiānn做大水。Hia ê一條溪kā笨港庄分做南北兩爿，有一工，庄民發現溪--裡石頭頂出現一sian媽祖，決定beh起廟kā服sāi，m̄-koh，廟beh起tī佗一爿khah好--leh？兩爿lóng m̄讓步，khah想mā無答案。最後逐家規氣來辦比賽，到底是啥mih比賽？上尾是siáng贏--leh？ --從前從前，台灣有個地方叫做「笨港」，常常淹大水。那裡的一條溪把村莊分成南北兩邊，有一天，村民發現溪裡岩石上出現一尊媽祖神像，決定要蓋廟祀奉媽祖，可是，廟要蓋在哪一邊好呢？兩邊互不相讓、想破頭也沒有答案。最後大家乾脆來辦比賽，究竟是什麼比賽？又是哪一邊勝出呢？【台語人來贊聲】媽祖婆若是生活tī現代，一定mā是天后級ê大明星。因為自古早，逐家就想beh服sāi--伊。――郭于中（台視台語新聞主播）Tsit本《媽祖，你beh蹛佗位？》描寫出在地團結、信仰媽祖ê虔誠，kā民間上重要ê元素囥tī繪本內底，tsiânn適合大人囡仔lóng來理解台灣人按怎敬拜神明ê心、眾人合齊起廟ê團結。――鄭家和（公視台語台下暗新聞主播、「這是台灣款」節目主持人）

上新ê台文長篇家族史小說佇台灣島，對明治初年行到公元21世紀世事難料，乾坤莫測；人生似瓦盆，打破ah才知真空「春瑞兄用Ke-lâng做塗炭ê顏阿清kap王查某in家族仔做主題，uì日本時代寫起，透過步平百姓人ê生活kap想法，呈現台灣歷史ê記持kap精神。咱看冊內底ê人物個性，決定in ê運命，tse是自希臘慘齣到目今永遠bē退流行ê文學主題。」－劉承賢．推薦序故事內底所講著ê查埔、查某、老歲ákah少年家á，攏是圍佇顏阿清kah王查某2翁á姐四箍輾轉所牽來ê骨頭親、五服外（遠親）kah祧á內ê人……

一世人短短--à，是幾十冬niâ，uì讀冊、做兵、娶某生囝、公務員ê考試到入去官廳，phâng hit款食bē飽、iau bē死ê頭路，m̄管是公所、農委會ê試驗單位、國中、病院kap工程機關到路尾仔四个高中，tîng-tîng-tha̍h-tha̍h lóng是一目nih仔就過--去。Tsit內底ê經過，若kap調職、升官、考績有牽磕--ê，lóng是艱難、厭siān占khah大面，就準講有歡喜

《台文通訊》本成是美國洛杉磯一陣台文寫作會ê成員發表作品ê平台，後--來，發展成做海內外台文運動者共同ê平面媒體。《台文BONG報》是《台文通訊》台灣總連絡處台北寫作會佇1996年另外創辦，定位做「台語文學專門雜誌」。2012年，兩个刊物合併做《台文通訊BONG報》，希望會當發展做一份台語文綜合雜誌，予台語存在佇咱生活ê每一个角落，記錄、描寫生活ê每一个細節。咱ê台語文學會當再現生活ê每一个領域，

｜上食市ê小說．全新改版｜收錄〈無影無跡〉、〈心結〉、〈豬跤khoo〉、〈爸囝〉四篇小說。內面ê台語lóng iáu保持1980年以前ê聲嗽、風味、khuì口，台灣人iáu-koh用lán家己ê話語tī-leh生活、思考ê年代。Tsiânn有聲情用「章回小說」手法，寫出一樣米飼百樣人ê台灣社會。描述炭礦產業ê文化，mā真實kā現實生活中ê家庭、男女關係、官僚官樣ê面體呈現--出-來。〈無影無跡〉，佈局分兩條線，頭前講挖塗炭kah kong-ke鬥空仔lián錢，請lim花酒，tī基隆ê地下酒家，請su-tó-lip-puh。第二條線講兩對翁某ê不倫，結局suah對換某，阿文知影in某偷咬雞hit段描寫，刺心入骨。〈爸囝〉khah無情色書寫，m̄-koh mā是真「社會性」，〈心結〉寫伊熟sāi ê學校場景，真深入拆白學校教職員ê sua-sap，做老師--ê mā ē偷咬雞，〈豬跤khoo〉，寫田僑仔富戶ê偷財、偷色、偷食、無啥社會責任kah道德觀，讀了體會真深。邀請逐家lóng來體會台灣小人物ê世情。本冊特色：1.重新修訂、校正。2.初版用白話字（Pe̍h-ōe-jī）kah漢字sio-lām落去併寫，tsit改是台羅kah漢字lām寫。3.Kā無必要ê註解lóng刣掉，版面清心。