Lóng是阮leh烏白想(電子書)

人生甘苦ê心景，天地自然ê風景 每一幅，lóng是世情坐清、烏白想ê詩情 成做台南出身ê創作者，杜信龍ê詩筆，帶南方特有ê體驗、眼界kap溫度。伊ê詩，替家己，也替讀者tháu出面對日常現實ê無奈kap失落，顯出人內心對性命、自然ê追求。 詩集號名「烏白想」，是伊靈魂歇睏ê姿勢，也是聽由心聲引chhōa ê旅行路線。招你鬥陣走hō͘時間jiok，揣一个thang好放輕鬆ê空縫，將一切交hō͘詩…… ●名家推薦 Chit pún si-chi̍p lāi-bīn, m̄ sī hit khoán ài lāng pit-hoe tián chhùi-súi iah-sī lāng XX chú-gī tàu-kap ê mn̍gh-kiaⁿ, sī tòe i sim-me̍h thiàu-tōng ê jia̍t-hiat kha-jiah. ──Lîm Jū-khái（台灣文學系助理教授、台語詩人、歌仔冊作家） 讀chit本詩集，hō͘人tòe leh烏白想，liam-piⁿ tī罩bông ê山路，liam-piⁿ tī起風ê海墘，有時擔現實生活ê重擔，有時tam人生路途ê甘甜。 ──陳慕真（國立成功大學臺灣文學系助理教授） ◎本冊採用傳統白話字，漢羅用字參考《台文通訊BONG報》。 ◎本作品榮獲國藝會出版獎助